Swapna Jhade Phool Se - Nai Umar Ki Nai Fasal lyrics | Nai Umar Ki Nai Fasal - Swapna Jhade Phool Se lyrics

Swapna Jhade Phool Se is a hindi song from the 1965 movie Nai Umar Ki Nai Fasal. Swapna Jhade Phool Se singer is Mohammed Rafi. Swapna Jhade Phool Se composer is Roshanlal Nagrath (Roshan) and Swapna Jhade Phool Se lyricist or song writer is Gopaldas Saxena (Neeraj). Swapna Jhade Phool Se music director is Roshanlal Nagrath (Roshan). Swapna Jhade Phool Se features Rajeev, Tanuja, Ulhas, Shobhna Samarth, Leela Chitnis, S.K. Prem, M.A. Latif, Renuka Roy. Swapna Jhade Phool Se director is and the producer is . The audio of Swapna Jhade Phool Se song was released on 15th June, 1965 by Saregama. Swapna Jhade Phool Se YouTube video song can be watched above.

Swapna jhade phool se , mit chubhe shul se
Lut gaye shrrigaar sabhi, baag ke babul se
Aur ham khade khade, bahaar dekhate rahe
Kaarawaan guzar gayaa, gubaar dekhate rahe

Aankh bhi khuli na thi ki haay dhup dhal gai
Paanv jab talaq uthe ki zindagi fisal gai
Paat paat jhad gae ki shaakh-shaakh jal gai
Chaah to nikal saki na par umar nikal gai
Na par umar nikal gai
Git ashk ban gae, swapna ho dafan gae
Saath ke sabhi diye, dhuaa pahan-pahan gae
Aur ham jhuke-jhuke, mod par ruke-ruke
Umr ki chadhaav kaa utaar dekhate rahe, kaaravaan guzar

Kyaa shabaab thaa ki phul phul pyaar kar uthaa
Kyaa kamaal thaa ki dekh aainaa sihar uthaa
Is taraf zamin aur aasamaan udhar uthaa
Thaamakar jigar uthaa ki jo milaa nazar uthaa
Ki jo milaa nazar uthaa
Par tabhi yahaan magar, aisi kuchh havaa chali
Lut gai kali kali ki ghut gai gali gali
Aur ham lute-lute, vaqt se pite-pite
Shaam ki sharaab kaa khumaar dekhate rahe, kaaravaan guzar

Haath the mile ke zulf chaand ki savaar dun
Hoth the khule ke har bahaar ko pukaar lun
Dard thaa diyaa gayaa ke har dukhi ko pyaar dun
Aur saans yun ke svarg, bhumi par utaar dun
Bhumi par utaar dun
Ho sakaa na kuchh magar, shaam ban gai sahar
Vo uthi lahar ke dhah gaye kile bikhar bikhar
Aur ham dare dare, nir nain me bhare
Odh kar kafan pade mazaar dekhate rahe, kaaravaan guzar

Maang bhar chali ke ek jab nai nai kiran
Dhol se dhunak uthi thumak uthe charan charan
Shor mach gayaa ke lo chali dulhan chali dulhan
Gaanv sab umada padaa, bahak uthe nayan nayan
Bahak uthe nayan nayan
Par tabhi zahar bhari gaaz ek vah giri
Puchh gayaa sidur taar taar hui chunari
Aur ham ajaan se, dur ke makaan se
Paalaki liye huye kahaar dekhate rahe, kaaravaan guzar

Swapna jhade phul se, mit chubhe shul se
Lut gaye shrrigaar sabhi baag ke babul se
Aur ham khade khade bahaar dekhate rahe
Kaaravaan guzar gaya gubbaar dekhate rahe.